Ný stjórn 2019

Nýtt ár, ný stjórn!

Á aðalfundinum á síðustu önn voru einungis þrjú framboð í stjórnina – í formann, gjaldkera og vefstjóra. Því þurftum við að fylla hinar stöðurnar og var það gert á nýnemakvöldinu okkar.

Hér er hin nýja fullskipaða stjórn:

 

Formaður: Eva Karen Sigurðardóttir

Image may contain: Eva Karen Sigurðardóttir, smiling, selfie and close-up

Gjaldkeri: Anna Sóley Sveinsdóttir

Image may contain: 1 person, close-up

Ritari: Sigríður Björk Bragadóttir

Image may contain: 1 person, close-up

Skemmtanastýra: Kristín Unnur Möller

Image may contain: Kristín Unnur Möller, smiling, standing, tree, plant, outdoor and nature

Vefstjóri/ljósmyndari: Atli Freyr Hjaltason

Image may contain: 1 person, sitting

Nýnemafulltrúi: Hildur Fjalarsdóttir

Image may contain: Hildur Fjalarsdóttir, smiling, close-up

Ný stjórn 2018

Nýtt skólaár kallar á nýja Þjóðbrókar stjórn, sem var kosin í lok síðustu annar og í byrjun þessarar. Allar stöður voru fylltar á lokafundinum á síðustu önn nema auðvitað nýnemafulltrúastöðuna, í hana var kosið á nýnemakvöldinu okkar þann 31.ágúst síðastliðinn.

Hér er nýja nefndin! 😀

Formaður: Sandra Björk Jónasdóttir

Ritari: Anna Karen Unnsteinsdóttir

Gjaldkeri: Guðný Ósk Guðnadóttir

Skemmtanastýra: Sunna Guðný Sverrisdóttir

Vefstjóri/ljósmyndari: Atli Freyr Hjaltason

Nýnemafulltrúi: Baldur Bergssveinsson

 

 

Vor 2018

Þá er skólaárinu lokið og til hamingju allir með það!

Smá recap af önninni fyrir ykkur en eins og ég skrifaði í seinasta pósti þá byrjuðum við önnina á að fara í Gróttu sem, eins og alltaf, var ótrúlega skemmtilegt og æðisleg stemning hjá öllum að segja reynslusagnir af dularfullum atburðum. Pálínuboðið um kvöldið var hlaðið alls konar kræsingum og fóru allir sáttir og mögulega illa sofnir heim.

Það voru nokkrir rólegir atburðir hjá okkur eins og spilakvöld, safnanótt, sjósund og hópferð á sýningu Improv Ísland sem var lygilega fyndið! Ekki má gleyma heimsókn okkar til forsetans en Guðni tók á móti okkur með pönnsur og kaffi og leyfði okkur að rölta um Bessastaði. Bæði brækur og óbrækur mættu og var þetta fjölmennasta ferðin okkar þetta ár! Slæðingur var gefinn út eftir nokkurra ára fjarveru og var haldið útgáfupartý heima hjá ritstjóra þess. Við vonum bara að þeirri vinnu verði haldið áfram svo hægt verði að gefa út fleiri!

Ef við förum yfir nokkra ó svo ekki rólega atburði þá þarf fyrst að nefna Þorrablótið! Í ár var þemað ævintýri og stóð þorrablótsnefndin sig (Anna Karen, Atli Karl og Sandra Líf) eins og hetjur með einum færri í nefndinni heldur en er vanalega. Blótið var í salnum Húnabúð í Skeifunni og atriði voru ekki af verri endanum með kennaragrín frá stjórninni, pubquiz frá nefndinni, hljómsveitin Omotrack spilaði og að sjálfsögðu happdrættið góða. Eftir dagskrána var dansað eins og enginn var morgundagurinn.

Vísindaferðirnar voru nokkrar og má þá segja að vísindaferðirnar hjá Coca-Cola á Íslandi og Smáratívolí hafi staðið uppi sem þær skemmtilegustu. Þær voru nokkrar sem þurftu að bíða betri tíma og ætla ég rétt að vona að næsta stjórn bóki þær tímanlega!! Ikea og neyðarlínan svo eitthvað sé nefnt 😛

Félag Þjóðfræðinga á Íslandi, Þjóðbrók, Þjóðfræði við Háskóla Ísland og rannsóknasetur HÍ á Ströndum héldu svo Húmorsþing á Hólmavík þar sem allir voru velkomnir en þar var málþing um húmor, nýja þjóðfræðisetrið opinberað og skemmtidagskrá með uppistandi, pubquizi og fleira svo eitthvað sé nefnt og svo dansað og spjallað út í nóttina.

Að lokum vil ég bara þakka fyrir ótrúlega skemmtilegt miðprófadjamm sem var á Lebowski og magnaða lokahófið sem var heima hjá mér í greinilega allt of lítilli íbúð en ég bara bjóst aldrei við þeim fjölda sem mætti sem gerði þetta enn skemmtilegra og var algjörlega fullkominn endir á þessu ári sem ég hef fengið að njóta sem formaður Þjóðbrókar. Í von um þannig mætingu allt næsta ár á alla (okei flesta) viðburði sem næsta stjórn mun koma til með að skipuleggja, þá eru þetta mín lokaorð því næsta stjórn verður kosin í kvöld 😀

Takk fyrir lærdómsríkt ár <3333

-Ragnhildur Sara

 

Haust 2017

Sem formaður ákvað ég að setja inn það helsta sem gerðist seinustu önn. Þessi færsla hefur verið á dagskránni hjá mér í allan janúar og þar sem janúar er víst að enda ákvað ég að skella í hana loksins!

Skólaárið byrjaði frekar vel eftir að við fengum í lið með okkur þrjá nýnema frá nýnemakvöldi Þjóðbrókar sem voru heldur betur til í tuskið. Ég var sjálf ekki á landinu þegar nýnemakvöld Menormobrók (mentor, norm, homo, þjóðbrók) var en kvöldið okkar Þjóðbrókar var algjör snilld þar sem gamlar og nýjar Þjóðbrækur fengu að kynnast aðeins.

Helgina eftir var októberfest þar sem Þjóðbrók var með flesta meðlimi skráða í svokalla Minileika þar sem meðal annars var keppt í beer pong og flip-a-cup. Því miður unnum við ekki en samt sem áður skemmtilegar sögur sem spruttu upp í kjölfarið. Helginni var síðan eytt hlustandi á góða tónlist og dansað með gömlum sem nýjum Þjóðbrækum.

Í ár ákváðum við líka að höfða meira til fjölskyldufólks og stefndum á bingó í Vinabæ, það gekk svo æðislega vel að yours truly vann 1500 kr :DDDDD Einnig höfðum við samband við stelpu sem sér um kakóserómóníur og Elsa kennari kom með, þetta var gert í staðinn fyrir hina frægu Gróttuferð sem átti að vera en allt var uppbókað. Sem betur fer fengum við að fara núna í janúar og gekk það framar öllum vonum.

Árlega fjarnemakvöldið var á sínum stað en um daginn hafði Þjóðbrók hitt á nokkra fjarnema og kynnt starfið og farið í nokkra leiki. Kvöldið var síðan í samstarfi við Félag þjóðfræðinga á Íslandi og fljótandi veigar í boði. FÞÍ sá líka um að skipuleggja eftirpartý þegar Þjóðarspegilinn var og bauð okkur Þjóðbrækum að vera með. Þá var förinn heitið á Skúli craft bar og gleði fram á nótt.

Haustferðin var að þessu sinni í Dalabyggð en við gistum í Laugum í Sælingsdal, fórum í göngu upp á álfakirkju, kíktum á dýragarð á svæðinu sem húsar einstök og skemmtileg dýr, gengum í fótspor Eiríks rauða og Hallgerðar Langbrókar á Eiríksstöðum, spiluðum, borðuðum og böðuðum okkur í Guðrúnarlaug og fórum í umtalað andaglas sem ég… mæli ekki með.. heh.

En menormobrók hélt ekki bara nýnemakvöld saman heldur líka Halló-vín og fékk politica að vera memm í þetta skiptið. Verðlaun voru veitt fyrir fyndasta, hræðilegasta og frumlegasta búninginn og einnig fyrir fyrsta sætið í pub-quiz. Pizzurnar komu frekar seint vegna misskilnings en hey betra seint en aldrei og hey FRÍAR PIZZUR, er hægt að kvarta yfir því? Sem betur fer var ekkert vesen og var dansað og drukkið fram að nótt.

Vísindaferðirnar voru að sjálfsögðu til staðar líka en þessa önn fórum við í Borgarleikhúsið, NOVA, Samfylkinguna, RÚV og að lokum í hið æðislega Árbæjarsafn að upplifa alvöru kvöldvökustemningu.

Þessi önn var frábær og miðað við byrjunina á þessarri önn þá held ég að hún verði ennþá betri, so far erum við búin að fara í Gróttu og halda æðislegt spila/singstarkvöld, fá tvo nýja Þjóðbrókarmeðlimi og núna á föstudaginn er förinni heitið í Ægisgarð í vísó hjá Coca-Cola á Íslandi – sjáumst þar!

-Ragnhildur Sara

Nýtt skólaár, ný stjórn

Seinast liðinn föstudag héldum við nýnemakvöld einungis fyrir þjóðfræðina og fylltum upp í þessa blessuðu stjórn okkar. Fyrr á árinu hafði ég, Ragnhildur, boðið mig fram sem vefstýru/ljósmyndara, Hjördís sem skemmtanastýra og Vita sem gjaldkeri en enn vantaði formann, ritara og auðvitað nýnemafulltrúa. Ég tók á mig að verða formaður og sem betur fer voru nýnemarnir okkar tilbúnir til að stíga upp og taka þau hlutverk á sig sem eftir voru.

Hér kynni ég þá stjórn Þjóðbrókar skólaárið 2017-2018.

 

Formaður: Ragnhildur Sara Arnarsdóttir

 

Ritari: Karen Gígja Agnarsdóttir

 

Skemmtanastýra: Hjördís Björk Hjartardóttir

 

Vefstýra/ljósmyndari: Sunna Guðný Sverrisdóttir

 

Gjaldkeri: Vitalina Ostimchuk

 

Nýnemafulltrúi: Sandra Björk Jónasdóttir

 

 

Something ends, something begins

Nú um miðjan maí líður að lokum á þessu skólaári í þjóðfræði við Háskóla Íslands. Þetta skólaár hefur verið ansi viðburðaríkt og því við hæfi að fara stuttlega yfir það. Á aðalfundi Þjóðbrókar sem haldinn var þann 11. maí síðastliðinn, var heldur dræm mæting. Fámennt, en góðmennt. Agnes var fundarstjóri, Alice fundarritari, Ingunn Ýr fráfarandi formaður flutti skýrslu síðastliðins skólaárs og Linda Kristbjörg fráfarandi gjaldkeri fór einnig yfir fjármál skólaársins.

Ingunn Ýr snerti á helstu viðburðum ársins, nýnemadeginum, nýnemakvöldinu, vísindaferð í Ölgerðina, haustferð til hólmavíkur, Gróttu, Þorrablót, og sjósund sem varð til þess að stofnaður varð þjóðfræðisjósundshópur! Hún rifjaði upp ýmislegt skemmtilegt í ræðu sinni sem tengdist þessum viðburðum, en einungis þeir snillingar sem mættu á fundinn fengu að njóta þeirrar gleði sem sú upprifjun vakti. Umræða um hlutverk námsbrautarfulltrúa fóru af stað varðandi kynningu á náminu, en það hlutverk hefur á síðasta ári færst töluvert inn í stjórn í stað námsbrautarfulltrúa. Einnig stakk Ingunn upp á því að auka samstarf á milli ritstjórnar Slæðings og stjórnar Þjóðbrókar til að endurvekja ritið.

Eftir skýrslur stúlknanna var farið í lagabreytingatillögur og barst tillaga um að hafa einn námsbrautarfulltrúa fyrir MA nema, og hlutverk námsbrautarfulltrúa fyrir BA nema yrði hlutverk innan stjórnar Þjóðbrókar. Það var samþykkt með öllum atkvæðum nema einu, og verður því látið á það fyrirkomulag reyna á komandi skólaári.

Þar næst var ákveðið árgjald í félagið og það helst 5000 kr, en breyting verður á kostnaði fyrir ó-brækur og munu þær þurfa að borga 1000 kr í stað 500 kr til að koma með í vísindaferðir, ef viðkomandi er ekki félagsmaður.

Svo voru kosningar, en vegna dræmrar mætingar á aðalfund náðist ekki að kjósa í allar stöður. Öll framboð voru samþykkt samhljóða.

Formaður – engin framboð
Gjaldkeri – engin framboð
Ritari – engin framboð
Skemmtanastýra: Hjördís Björk Hjartardóttir
Vefstýra/Ljósmyndari: Ragnhildur Sara Arnarsdóttir

Námsbrautarfulltrúi MA nema: Dagrún Ósk Jónsdóttir
Ritstjórn Slæðings: Agnes Jónsdóttir

Samkvæmt lögum þjóðbrókar verða mál um ómannaðar stöður tekin upp á nýnemakvöldi í haust. Námsbrautarfulltrúi BA nema verður kosinn innbyrðis á fyrsta fundi fullskipaðrar stjórnar.

Við í fráfarandi stjórn, Ingunn Ýr, Alice, Linda Kristbjörg, Sandra Björg, Agnes og Atli Karl, erum hjartanlega þakklát fyrir þá vináttu og gleði sem starfsárið okkar 2016-2017 hefur gefið okkur, og við hlökkum til þess að sjá og taka þátt í félagslífi komandi árs!

Þjóðbrók lengi lifi! ♥

Hólmavík og halloween!

Sælar kæru brækur! Skemmtanastýran ykkar situr hér við lyklaborðið og lætur líða úr sér þreytu vikunnar, en langar aðeins að leyfa forvitnum fylgjendum að vita hvað er að frétta 🙂

14643079_10210268915790228_544062685_nSíðustu helgi fóru 14 hressir þjóðfræðinemar saman í haustferð Þjóðbrókar til Hólmavíkur, sem var stórskemmtileg og vel heppnuð, enda ekki annað hægt með svona frábæran hóp. Í haustferðinni fórum við í tröllaskoðunar og álagablettagöngu um Kollafjörð á Ströndum með þjóðfræðingnum Jóni Jónssyni, sem endaði í aflausn synda okkar í Kollafjarðarneskirkju. Þaðan fórum við á Galdrasýningu á Ströndum inni á Hólmavík þar sem við fræddumst um nábrækur, tilbera og alls kyns kukl. Frá Hólmavik lá svo leiðin inn í Bjarnarfjörð til að kíkja á Kotbýli Kuklarans, og Gvendarlaug hins góða sem bæði standa við Hótel Laugarhól. Þar hittum við fyrir þyrlu sem lenti á sama tíma og við, en hún tilheyrir crew-inu sem er að taka upp stórmyndina Justice League í Djúpavík á Ströndum. Okkur til ama var Ben Affleck ekki einn af áhöfninni… Í vonbrigðum okkar hentumst við yfir á Drangsnes þar sem við skelltum okkur í heitu pottana niðri við sjó, í dásamlegu veðri! Þegar allir voru orðnir gegnsósa og glaðir skondruðum við aftur frá Drangsnesi og inn á Hólmavík þar sem við fengum dýrindis pizzahlaðborð á Café Riis – þar sem hvítlauksbrauðið sló í gegn!

Kvöldinu var svo eytt í Sævangi að skoða Sauðfjársetur á Ströndum, Álagablettasýningu og ókláraða uppsetningu af nýrri sýningu sem opnar á allra næstu misserum – á meðan Dagrún Ósk leiddi liðið í gegnum sýningarnar hamaðist stjórnin við að brugga glæsilega bollu fyrir liðið. Síðan var sungin draugasaga, Atli Karl nýnemafulltrúi mætti í framhaldi af því með klikkað pub quiz, og eftir það tók gleðin völd.

Daginn eftir, þegar allir höfðu náð að rogast á fætur, skruppum við yfir í Hveravík til að hitta okkar ástkæru Kristínu Einars, þjóðfræðing og fyrrum þjóðfræði-kennara við Háskóla Íslands. Hún tók á móti okkur með glæsilegum morgdegismat; sjávarréttasúpunni hans Gunnsa, heitu brauði, eplaköku og ís, ávöxtum og sérlega góðum blóðappelsínusafa. Við sátum á spjalli þar í dágóða stund, en þar lauk síðan för og hópurinn lokaði góðri ferð með hópknúsi á planinu fyrir framan Hveravík. Takk!

img_0429

Status á sunnudegi í haustferð

Sumir tóku nokkra daga í að jafna sig eftir þessa stórkostlegu ferð, en þó að hún sé búin, þá er sko nóg að gera það sem eftir er vetrar 🙂

Nú í kvöld, föstudaginn 14.október, eru nokkrar brækur að fara og vera áhorfendur í sjónvarpssal í sjónvarpsþættinum Logi – spennandi! Í næstu viku er svo verkefnavika í Þjóðfræðinni, en við látum það ekki stoppa okkur í gleðinni þvi föstudaginn 21. október höldum við í vísindaferð í Bjarta framtíð.

Nú að því allra besta – ÞAÐ VERÐUR HALLOWEEN PARTÝ ÞANN 28. OKTÓBER! Risa partý, haldið í samvinnu við Norm, Mentor, Mágus, Homo og Ökonomíu, þetta er eitthvað sem þið viljið alls ekki missa af! Takið daginn frá, og það koma fleiri upplýsingar von bráðar!

Síðast en ekki síst viljum við minna á að Gróttuferðin okkar verður þann 11. nóvember, en þá ætlum við í einnar nætur ferð út í fræðslusetur við vitann á Gróttu á Seltjarnarnesi. Elsa Ósk þjóðfræðingur og kennari kemur með okkur, við höfum pálínuboð, segjum draugasögur og höfum það gott í myrkrinu í nóvember.

Þetta er auðvitað ekki tæmandi listi af viðburðum fram að jólafríi, en ágætis byrjun. Ég hlakka til að skemmta mér með ykkur í vetur!

Ykkar einlæg,
Agnes Jóns

Spennandi tímar framundan!

Ég leit útum gluggann í gærkvöldi og sá hvernig rigningin barðist við rúðuna. Þá var fyrsta hugsunin sem skaust í gegnum huga mér „það er að koma haust”. Það þýðir bara eitt! Skólinn fer að byrja aftur og Þjóðbrók er að fara á fulla ferð! Við erum með svo ótrúlega margt spennandi planað í vetur! Haustferð, Gróttuferð, Halloween og margt margt fleira! Auk þess sem við höfum bókað ógrynni af spennandi vísindaferðum! Dagskrá haustsins kemur á allra næstu dögum, be prepared!

Við bjóðum nýnema sérstaklega velkomna þetta skólaárið sem og gamlar brækur! Við gerðum Facebookgrúbbu fyrir nýnemana, því það er svo ótrúlega gott og gaman að geta fundið stuðning frá öðrum samnemendum! Þið finnið hana hér. Eins erum við mjög duglegar við að nota Facebook like síðu Þjóðbrókar, hana finnið þið hér.

Að lokum viljum við þakka fráfarandi stjórn fyrir  síðastliðin vetur, sem var æðislegur og við ætlum ekkert að gefa þeim eftir! Vonum að þið séuð jafn peppuð fyrir þessu og við!

Stjórn Þjóðbrókar skólaárið 2016:

Ingunn Ýr Angantýrsdóttir, formaður

Linda Kristbjörg Jónsdóttir, gjaldkeri

Alice Bower, ritari

Agnes Jónsdóttir, skemmtanastýra

Sandra Björg Ernudóttir, ljósmyndari & vefstýra

2016! Vei!

Komiði sælar og blessaðar brækur!

Nú er vormisserið komið á fullt skrið og allir með nefið ofan í bókum sínum. Við ætlum að gera allt sem við getum til að gera misserið skemmtilegt fyrir okkar fólk og er nú þegar hellings stuð búið að eiga sér stað!

Við byrjuðum árið á því að heimsækja Sameinuðu Þjóðirnar 15. janúar, sem var fróðlegt fjör. Ýmislegt sem við vissum ekki um þessi stóru samtök vitum við nú! Eftir það skunduðum við á BAR11 og sátum á sumbli. 22. janúar heimsóttum við svo Árbæjarsafnið þar sem Sigurlaugur ráðsmaður tók á móti okkur með skemmtilegum sögum á meðan við gengum um svæðið og fengum að skoða þrjú hús. Eftir það var pöntuð Dominos pizza, drukkinn Sólbert og spiluð nokkur spil heima hjá okkar ástkæra formanni. Síðasta föstudag mánaðarins, 29. janúar, heimsóttum við RÚV þar sem við fengum túr um stúdíó, búningageymslu og fleira, ásamt því að háma í okkur meiri Dominos og fara á Útsvar! Mikið fjör!!!

Næstkomandi fössara, 4. febrúar, ætlum við að halda smá teiti hjá Kristínu okkar ca$h, og rölta svo saman á Vetrarhátíðina í Reykjavík, mögulega fá okkur einn kaldann á röltinu! Hvetjum alla til að koma með okkur, mikið af spennandi viðburðum í gangi, dagskrá má kynna sér hér og hér er svo okkar viðburður á fésinu, meldið ykkur á hann kiddós, og fáið tilkynningar!

Í næstu viku er svo stærsti viðburður ársins!!! Það er komið að Þorrablóti Þjóðbrókar og Félags Þjóðfræðinga á Íslandi. Já þið heyrðuð rétt kæru brækur, þetta er stundin þar sem nemendur, kennarar, gamlar brækur og makar koma saman í fínu pússi, drekka mjöð, borða góðan mat, hlýða á skemmtiatriði, syngja, dansa vikivaka, dansa við Nicki Minaj og ég veit ekki hvað og hvað. Mennig eða ómenning, það gerist þetta kvöld. Þennan viðburð viltu ekki láta framhjá þér fara, en einungis 90 sæti eru laus svo um að gera að drífa sig að kaupa miða. Mikilvægt er að skrá sig á facebook viðburðinn okkar, svo að þið fáið tilkynningar og sjáið spurningar sem aðrir gestir kunna að hafa. Miðasalan er hafin! Nánari upplýsingar eru að finna á þessum tengli hér að ofan.

Það er ýmislegt í gangi þetta misserið og við hvetjum ykkur til að fylgjast vel með facebook síðunni okkar sem og þessari síðu. Sniðugt að setja hana í bookmarks! Við ætlum að finna eitthvað stuð fyrir lok febrúar en verið svo tilbúin í Mars, þá verður sko gaman.. Meira um það síðar.

Svo má fólk vera duglegra að mæta svo starfið gangi betur!!! Fjörið er líka í ykkar höndum 🙂

Þangað til næst – xoxo

PS: Uppáhalds dagur vefstýru yðar á íslensku almanaki, Bolludagurinn, er alveg að renna upp! Því er upplagt að leyfa smá fróðleik um bollur fljóta með ásamt mynd af einni vel girnilegri. Vonandi njóta aðrar bollubrækur hans jafn vel og vefstýrubollan ætlar sér!

bolla

PS2: Eruði að sjá þessa bollu? Namm.

Framundan í OKTÓBER!

Sælar brækur!

Við viljum þakka kærlega öllum sem komu í þessa dásamlegu haustferð sem við fórum í saman 🙂 Ferðin gekk svo sannarlega vonum framar hjá okkur öllum og er hópurinn enn nánari eftir þessa daga saman. Það hefði auðvitað verið gaman að hafa fleiri brækur meðferðis en þetta var samt mjög passlegt alltsaman. Þið hin verðið bara dugleg að mæta á það sem er framundan….

….talandi um það sem er framundan! Október er stútfullur af fjöri fyrir okkar fólk. Eins og áður sagði er haustferðin búin, og helgina eftir var farið í heimsókn til Framsóknarflokksins sem var ekki alveg eins vel heppnuð, (enda formaður þeirra ekki vinsælasti gaur á landinu í dag), en 4 ferskar brækur mættu þó, vel gert þið! Hinir hafa líklegast verið að safna orku fyrir morgundeginum en þá erum við að fara í Power-Vísó!

15. október: Vísindaferð til tölvuleikjaframleiðandanna CCP frá 15-17 og önnur vísindaferð til stærsta skemmtistaðar í heimi, NOVA, 18.30-20.30! Hvað verður eiginlega gaman á morgun? Mjög. Það verður mjög gaman.

23. október: Við ætlum í aðra ferð góðir hálsar! Í þetta skiptið örlítið krúttlegri 🙂 Það er hefð hjá Þjóðfræðideildinni að skella sér í næturgistingu í Gróttu, í fyrra skráðu sig of fáir í þessa hefð svo haldið var pizzu-partý í staðinn. Við vonum innilega að það verði góð mæting í ár því enginn í stjórninni hefur farið! Mjök peppaðr! Okkar eina sanna Kristín Einars ætlar með og hyggst hræða okkur með draugsögum, ómæ. Það verður pálínuboð um kvöldið, sem virkar þannig að allir koma með einn rétt eða e-ð í hlaðborð. Við munum kynna þetta alltsaman seinna og þessvegna henda í einn sjóðheitan event á facebook til að geta gefið ykkur upplýsingarnar beint í æð. Takið kvöldið/nóttina frá y’all, þetta verður frá ca 20.00 um kvöldið til 11.00 daginn eftir.

30. október: Haldið í hestana ykkar! Það er komið að hrekkjavöku-fögnuði ársins sem er eins og í fyrra í samstarfi við önnur nemendafélög. Norm, Mentor, Tinktúra, Hnallþóra, Kuml, Homo og Mímir eru á fullu að skipuleggja þennan viðburð með okkur og stefnir í risastórt teiti! Því er um að gera að dusta rykið af saumavélunum, gömlum dimmison búningum, já eða bara skella sér í Partý-búðina eða Hókus-Pókus og festa kaup á einu kvikyndi! Fullt af hugmyndum á Pinterst og á BuzzFeed til dæmis. Um að gera að vera nörd og finna eitthvað extra þjóðfræðilegt til að klæðast þennan dag, sem getur svosum verið allt…. 😉 Meldið ykkur á eventið sem er búið að gera, ýtið hér!

Við sofum bara á sunnudögum og lærum á virkum kvöldum þennan mánuðinn, það er þess virði að mæta á viðburðina því þeir eru SVO skemmtilegir, og við svo skemmtileg….. Maður man allavega síður eftir kvöldunum sem maður sat heima með netflix 😉

Sjáumst!

PS: Eru ekki allir að fylgjast með okkur á instagram?

mynd

PS2: Það er hægt að láta drauma sína rætast á HallóVín og vera hvað sem er. Til dæmis má vera hnossið hans Gollris, hringurinn eini!