Árshátíð Kumls 2010
Þér er hér með boðið á Árshátíð Kumls 2010, en hún mun verða haldin á Hótel Sögu föstudaginn 19. mars næstkomandi.
Árshátíðin verður haldin hátíðleg ásamt níu öðrum nemendafélögum Háskólans, það er Artímu, Fiskinum, Flog, Fróða, Homo, Mentor, Mími, Norm, og Torfhildi.
Í ár verður sameiginlegt þema TORTÓLA 2007
Við hvetjum því alla til að fara í sitt fínasta 2007 púss.
Húsíð opnar 18:30
Borðhald hefst 19:30
Ballið byrjar 23:00
Glæsilegt hlaðborð með úrvali forrétta, aðalrétta og eftirrétta verður í boði og svo mun hljómsveitin Douglas Wilson leika fyrir dansi!
Hlaðborðið mun samanstanda af eftirfarandi réttum:
Forréttir:
Hægeldaður lax með mangó salsa
Appelsínu marineraður skelfiskur
Salat með grilluðum ananas og engiferdressingu
Kjúklingastrimlar í saté sósu
Nautaþynnur á klettasalati
Aðalréttir:
Kryddjurtamarinerað lambalæri
Salvíukryddaðar kalkúnabringur
Kartöflugratín
Sykurbrúnaðar kartöflur
Fersk grænmetisblanda
Rauðvínssósa
Ábætisréttir:
Ávaxtabakki
Kaka
Ís
Verð
5.000 kr fyrir skráða meðlimi félaganna
6.000 kr fyrir gesti
Hægt verður að greiða með millifærslu eða með peningum til einhverra stjórnarmeðlima. Millifærslu upplýsingar koma innan tíðar.
Vísó Landsvirkjun
Sælir Kumlarar
Næsta Vísindaferð verður í Landsvirkjun, föstudaginn 26. febrúar.
Hún hefst á slaginu 17:00 og stendur til 19:00 að Háaleitisbraut 68 (Austurver). Þau bjóða gestum upp á fræðslu um fyrirtækið, gos, bjór og brauðmeti. Félagsráðgjafanemar verða með í för.
ATH: Það eru aðeins 10 sæti laus, og því VERÐUR að skrá sig og ekki er hægt að segja kannski, og þið verðið að skrá ykkur fyrir fimmtudag, fyrir kl. 11:00.
Endilega skrá ykkur sem fyrst 
Spilakveld
Á fimmtudaginn verður haldið spilakveld. Hefst klukkan 19.00 en nákvæm staðsetning kemur seinna í dag eða á morgun.
Endilega að koma með spil með ykkur. Gos og snakk í boði.
Nýtt vísindarit um fornleifarannsóknir að Hofstöðum
Afrakstur og niðurstöður rannsókna Fornleifastofnunar Íslands á víkingabyggð að Hofstöðum í Mývatnssveit hefur nú verið gefin út í veglegu riti. Hofstaðaminjar eru með þekktustu fornleifum á landinu. Á árunum 1991 - 2002 gerði alþjóðlegur hópur vísindamanna þar umfangsmiklar fornleifarannsóknir. Var verkefnið unnið með stuðningi Rannís, National Geographic og fleiri aðila. Við lok uppgraftar tók við úrvinnsla og sérfræðirannsóknir sem stóðu yfir í átta ár og er þeim nú lokið. Ritstjóri verksins er Dr. Gavin Lucas, en að bókinni koma 45 vísindamenn á mörgum sviðum fornleifafræði, fornvistfræði, jarðvegsfræði og skyldra greina. Þar er varpað nýju ljósi á forsögu Hofstaða, framvindu landnáms í lok landnámsaldar, aðlögun fólks og áhrif manns á umhverfið. Verkið markar tímamót í íslenskri fornleifafræði og mun setja ný viðmið við útgáfu á niðurstöðum uppgrafta en það er um 500 blaðsíður að lengd með yfir 200 teikningum og myndum. Bókin er á ensku með liprum og greinargóðum útdrætti á íslensku. Tekið er við fyrirspurnum og pöntunum á skrifstofu Fornleifastofnunar eða á kristborg(hjá)instarch.is
Félagafundur
Á mánudaginn eftir viku, þann 1. feb, mun verða haldinn félagafundur kl. 11.40. Nánari staðsetning mun verða auglýst síðar.
Dagskrá fundarins er eftirfarandi:
1. Kjör nýs nýnemafulltrúa.
2. Viðbrögð nemenda við þeim fréttum að Háskóli Íslands ætlar ekki að taka inn nýnema á næsta misseri.
3. Önnur mál.
Þeir sem hafa áhuga á að bjóða sig fram sem nýnemafulltrúa geta gert það við einhvern stjórnarmeðlim eða á fundinum sjálfum. Skyldur nýnemafulltrúa eru að mæta á fund með öðrum stjórnarmeðlimum einu sinni í viku, að senda tölvupóst í nafni stjórnarinnar og að miðla því sem er að gerast hjá félaginu til nýnema.
Fundur vegna mats á fornleifafræði
Við vitum að það er nú þegar komið mikið á dagskránna fyrir þessa viku og þetta er það seinasta sem bætist við það (Við lofum).
Nú er í gangi mat á fornleifafræðináminu. Vegna þessa hefur nú þegar verið sendur út spurningalisti á forn-nem listann (endilega svara sem fyrst) og verður þessi umræðufundur haldinn til að nemendur geti rætt hvar námið er statt og hvernig við myndum vilja sjá því breytt eða haldið. Fundurinn verður haldinn í Árnagarði, stofu 101 kl 17.00.
Nesstofa
Núna á föstudaginn skundum við út á Seltjarnanes og förum í vísindaferð á Nesstofu. Hefst ferðin kl 16.00 og munum við eftir það rölta niður í miðbæ og fá okkur bita og að því loknu mála bæinn rauðann, á undan öllum hinum.
Einhverjar hugmyndir um hvert við getum farið til að borða?
Áríðandi fundur
Boðaður hefur verið áríðandi fundur á fimmtudaginn í Lögbergi, stofu 103, og mjög mikilvægt að sem flestir mæti.
Vísindaferð á Fornleifafræðistofuna og FFÍ
Komandi föstudag, þann 15. janúar, mun fyrst vísindaferð nýs árs verða haldin í boði Fornleifafræðistofunar og FFÍ í húsnæði Fornleifafræðistofunar að Ægisgötu 10.
Ef þú ferð aðeins í tvær vísindaferðir á ári þá ættirðu að láta þessa vera aðra þeirra og búumst við við að sjá sem flest ykkar hress og kát.
